وكالة وطن 24 الاخبارية

بقلم : Wael Mousa


ماغي أبو شمالة!! 
ضليت ساكت، قلت أشوف إيش صار، بس يعني فقعت خلص!!
قالك فايز أبو شمالة: استجابة لطلب جهات أقدرها، توقفت عن نشر باقي تفاصيل الاتفاق بين حماس ودحلان ومصر، والذي سيبدأ تطبيقه على أرض الواقع بعد أيام معدودات.
وفي الجعبة أسرار كثيرة.
خوذ الكبيرة عاد: حين تحمل حقيبتك على كتفك، وتسافر بعد عدة أيام عبر معبر رفح، بكل سهولة ويسر، تذكر بأنني أول من بشرك بفتح المعبر على مدار الساعة.
أحا!!
الأحا الرسمية،،
هو كاينة بنود الاتفاق فيها سر الكتلة الحرجة اللازمة لصناعة القنبلة النووية؟!
ولا كاين فيها شيفرة من 5 أرقام ***** لفكّ كل حسابات بنك فلسطين عشان نروح نسحب منها بالهبل زي ما بدنا!؟
بعدين ما في ولا مسافر يا حضرة الدكطور بطلع حامل حقيبة على كتفه، أنا سافرت وكان معي 3 شنط هدوا إيديا في السحب، وغيري معاه عرباية شنط ..
بعدين يا أم التنجيم يا أخي اللي شغال فيه، ومن زمان ترى مش من اليوم، يا أمه ويا حليلك بس!!
ولك ولا ماغي فرح .. فشرت اللبنانية .. عنا ماغي من بيت دراس بس إيش، ع دين أم التنجيم والأبراج وخراريف العجايز!!
"على مدار الساعة"؟! وواثق من نفسك أوي يعني -بصوت عادل إمام في مدرسة المشاغبين-
أحا برضو، أحا !!
يا أخي ما هذا الاستهلاس للناس؟ ما هذا الغباء؟! ما هذه التعرصة بحقّ كابونة الوكالة يا فايز!
ولك بتبشّروا إنتوا كائنات عايشة في المريخ؟! يا أخي ليش غصب عن أم اللي خلفكم بدكم تستنسخوا نموذج جمال عبد الناصر الأهبل في الترويج لإنجازات وهمية، وصواريخ القاهر والغاصب والفاجر والجاعص ودبابات الظافر والزهارنة وبرج الوحدة؟!
أحا رسمي يا أخي أحا!!
قلت عن اللي ماسكين الوضع الخرا في غزة مع سحيجتهم، أمثال الدكطور، إنهم بفكروا حالهم في سبيستون، عملتونا مضحكة يا ولاد العرص للناس!!
ليش كل واحد فيكم بس بده يعمل حاله ناصر اللحام، ويركب التيتة!
كان يقولك ناصر: في الجعبة أسرار كثيرة عن ما يدور في الغرف المغلقة في مصر بحرب 2014، وفي الآخر طلعت جيبته مخزوقة وروحنا بهزيمة ملعون شرفها!!
وإنت هسا جاي تقول: بتطلع من على معبر رفح بشنطتك وبضربك المصري تعظيم سلام!!
يا زلمة في أزهى عصور عرفات مع مبارك، أزهاها ها، كان المعبر زي الخرا!
السنة الوحيدة، ومش كلها، يدوب كم شهر منها، اللي كان فيها المعبر زي الخلق زي سنة مرسي بس! مش فاهم التفكير التعريصي الغبي في ظل كل الظروف الإقليمية والدولية بيخليك تطلع بهيك تنبؤات!!
كيف بتحملوا إنتو لقب دكاترة ومحللين وسياسيين وبتعرفوش تقرأوا تاريخ!؟
يعني بشرفك إيش اللي بدو يخلي السيسي يغامر ويبعص كل الخليج هسا في خطوة تقارب مع حماس!!
عشان خاطر مين؟ كود عشان ما يكسر كلامك يا عيني! أحا رسمي يا أخي، والله أحا!
فهمني بس ليش السيسي بده يعمل هيك؟! عشان خاطر عيون دحلان؟ عشان إيش ولك؟!
بعدين سولافتك مع محمد دحلان وسمير المشهرواي قديمة يا أخي، قال وقاعد بترد على العرص عاطف عدوان إنه إنت مش متعاطف مع دحلان وأبصر شو، سواليفك يا حبيبي قديمة إنت وجماعة "التيار الإصلاحي" -الإصلاحي، ها؟- فما تقعد تتنطط على أساس إنك وطني، وتنظيمك فلسطين، وكل العرط الفاضي هاظ ..
بتتذكر إيش كتبت عن سمير المشهراوي في 9/7/2014؟! كتبت مقال "نداء الواجب" لسمير اللي بكرة السياسة بتخليه يصالح أبو مازن اللي هو أكبر عميل بالنسبة لإلك، وختمت المقال بتسحيجة أخت شلقة لـ"الأخ محمد دحلان"، واللي برضو -عباس- اللي حماس لا تريد سقوطه، لأنه سقوطه هو سقوط للقضية الفلسطينية -زي ما صرّح البردويل في 25/4/2017-!!
أتاريها مش من قلّة الأخبار مش لابسة بامبرز وبتتسربلك!
يا أخي صاحيين إنتوا؟! ولا بس الواحد منكم بده يفقع بوست ويجيب لايكات ويروح ينخمد بعدها ..
لا بتفهموا بسياسة ولا بتفهموا بخرا .. بس الواحد منكم بده يضل يصرح،
يضل تحت الضوء، يجيب لحاله وصلة يحطها في هظاك المكان عشان يضل شغال، خط قلاب، لأنه لو قطعت عنه التصريحات بموت!!
بموت .. لأنه الحصاد الإعلامي لازم يعملّه منشور ويبروزه!
ذاكر ولا مش ذاكر لما كتبت حصادك الإعلامي في 12/7/2014، لقاء مع أبصر مين، ولقاء مع قناة مش عارف مين، لأ وكاتب بكامل قواك العقلية: وخسرت لقاء مع قناة القدس!! الكلاسيكو خسران يا بعيد!!
وزعلان ورح تطقّ عشان فضائية القدس أخلفت معك الموعد، وما أعطت الحقنة المهدئة/المايكروفون، عشان تهدأ وتروق!!
بتحب أذكرك إيش حكيت في 2014؟! (وروابط منشوراتك + السكرين شوت لحسن تهرب ولا تنكر ولا تعرط، موجودة في التعليقات)
مش توقعت في 10/7/2014 إنه المجتمع الإسرائيلي بضلش صامد ع أبواب الملاجئ أكثر من 5 أيام!! بشوف خوزقوك وصمدوا جمب الـ5 حطوا 1، وصاروا 51 يوم!
وبرضو في نفس التاريخ بشّرتنا بنهاية الحرب، وفرض شروط المقاومة، باعتبار أن "جعبتك السرية" بتعرف كل إشي!!
مش إنت اللي حملت آمال كبيرة، زي آمال المعبر اليوم، على كتائب الأقصى في الضفة خلال الحرب على غزة 2014 وكتبت بنفس كيبوردك هسا اللي قاعد بتعرط علينا فيه: أعلق آملاً كبيراً على كتائب شهداء الأقصى في الضفة الغربية!!
شو صار؟! ولا فشكة طلعت في كل الضفة خلال 51 يوم!!
كيف بدك إياها الشخرة؟ عادية ولا متواصلة!؟
مش إنت اللي توقعت، تحت ضربات "المقاومة" يا أبو تقعيرة إنه الحكومة الإسرائيلية تعلن وقف إطلاق نار من جانب واحد في 24/7/2014!!
شو صار؟!
الحكومة الإسرائيلية فلقت حظنا فلق بعديها لمدة 31 يوم!! 31 يا أبو وقف إطلاق نار من جانب واحد!!
وتقديرك الشخصي برضو، اللي بتقدره من قرعتك، هو اللي خلاك تتوقع قرار من الكابنيت في 20/7/2014 لسحب الجيش من غزة، وإذ بالجيش فات لنص رفح يا سيادة الدكطور!!
وإنت بنفسك، بعظمة لسانك اللي بده قطع إن شاء الله، قلت إنه النصر لأهل غزة رح يكون بعد 3 أيام من تاريخ 18/7/2014 اللي توقعت فيه نجاح المقاومة في توريط الجيش الإسرائيلي في حرب برية، وذلك يعني أن علينا التكبير 3 أيام والنصر في اليوم الرابع!! في اليوم الرابع، ها؟ أخت اللي فهّمكم سياسة بس!!
في 15/7/2014 جزمت، وحلفت طلاق، إنه التهدئة رح تصير بمشيئة المقاومة!! بتحب أذكرك في الخازوق اللي قعدنا عليه بعد 40 يوم من منشورك هاظ؟! ولا بتحب أذكرك بالسمك أبو 6 ميل واللي كان أحد شروط المقاومة المهمة والتي أنهت الحرب فيها على شوية لوكس وسلطعونات وحبّة باكلا معفّنة!!
تلحس لتنعس إنت وشروطك وتوقعاتك ..
أما الكبيرة عاد:
في 19/8/2014 قلت: الوقاحة الإسرائيلية، والمكابرة على طاولة المفاوضات بحاجة إلى أسبوع آخر من الفشل العسكري، والتخبط في الميدان، والتورط في مفاجآت غزة!!
مفاجآت غزة، آه؟! بعدها بـ48 ساعة بس كان ابن عيلتك محمد أبو شمالة تحت وزن طن كامل من القنابل اللي نزلت عليه مع العطار وبرهوم!
هي هاي المفاجآت تبعت غزة، صح؟!
أقل من أسبوع، وكانوا اللي بتسحجلهم ببوسوا صرامي المصريين عشان يعلنوا وقف إطلاق النار من جمب قسم الولادة في مستشفى الشفاء، حيث أعلن القائدين المغوارين المجاهدين المرابطين في كشك الولادة، سامي أبو طقيعة وكنج الأنفاق برهوم، أعلنا الانتصار الرهيب اللي قعدت تطبله بمقالات لمدة أسبوع بعد الهزيمة برضو ..
ورحت بعد هيك في 31/8/2014 تعرط علينا بمقالات النصر!! وإنت عارف إنه قيادة حماس وقعت على نفس الورقة المصرية، ورقة العار، ورقة الهزيمة اللي تخوزقنا فيها كلنا عشان يضل أشكالك تحت مسمى "محلل سياسي، وخبير في الشؤون الفلسطينية" يتنططوا ع الإعلام!!
ولك إنتو فش منكم أمل، تكذبون كما تتنفسون، ويموت الشخص منكم لو انقطع عنه إرسال الفضائيات والإذاعات والفيسبوك!!
لهيك لازم تضل في الحالة، الحالة الخرائية الهلامية من العيش في العالم الموازي اللي إحنا مش موجودين فيه، موجود فيه إنت وقادة حماس والتيار الإصلاحي يا أبو إصلاحي!!
لازم تضلك في أم الحالة الخرا اللي إنت عايش فيها وبتزوقها لإلنا عشان نصدقك ..
وطبيعي جداً إنه تكون وجوهكم مغسولة بمرق، فش فيها ميّة أصلاً، وما بخجل الواحد منكم لما نجيبله كل فضايحه التوقّعية ويضل بعد هيك يكتب ويتوقع بكل أريحية وعلى كرسي هزاز مريح للمؤخرة المرخرخة ..
عشان هيك، والله العظيم يا فايز أبو شمالة لأعملك زفّة ما انعملت لحدا في الفيس لو خلصت الـ"عدة أيام" وما صار إشي في معبر رفح!
-والعدة هنا تقاس على كلمة بضع، يعني من 3-9 أيام-
وهينا بالانتظار ..
اليوم (1) وبدأ العداد ،،